Bërnabiq ka thënë se për këto bisedime Vuçiq do të bisedojë me kabinetin qeveritar, parlamentin por edhe me popullin.
“Asgjë nuk fshihet, asgjë nuk do të vendoset pa qytetarët dhe popullin tonë”, tha Bërnabiq, shkruan n1.
“Gjëja më e rëndësishme është të themi se nuk do të fshehim kurrë asgjë. Politika e presidentit Vuçiq është që të flasë plotësisht hapur dhe të jetë transparent me popullin tonë dhe të thotë se çfarë është situata dhe çfarë është në tavolinë”, tha ajo.
Bërnabiq megjithatë ka thënë se është koha të mirren disa vendime të vështira.
“Nuk mund të them se çfarë ultimatumesh i janë vendosur Serbisë, por mund të them se nuk do të ketë surpriza, falë presidentit Vuçiq dhe përgjegjësisë dhe luftës së tij”, tha Bërnabiq.
