I pyetur nga Driton Selmanaj, kryesuesi i Komisionit Hetimor për Energji në Kuvendin e Kosovës, nëse Berishaj ka qenë drejtor i kompanisë MB Consulting dhe ortak i Uloja Consulting, Berishaj tha se kompania e parë është e mbyllur derisa e dyta nuk qëndron.
“MB Consultin është firmë e themeluar më 2017 dhe nuk funksionon nga viti 2020, nuk ka hyrje-dalje nuk ka, është në mbyllje, nuk rezulton si ndërmarrje e cila qarkullon, nuk është e mbyllur fizikisht sepse procedura në Mal të Zi është e tillë, dhe unë kur jam bërë ambasador as nuk më ka ra ndërmend të merrem me të. Për firmën e dytë jo nuk jam” tha ai.
