Berisha ka shkruar se kjo masakër ka zgjuar ndërgjegjjet e shtetarëve anembanë botës dhe dëshmoi fytyrën mizore të Millosheviqit e Vuçiqit.
Në ditën kur shënohet 24-vjetori i kësaj masakre ai ka rikujtuar faktin që deputetët e Partisë Socialist nuk e kishin miratuar rezolutën që dënonte gjenocidin e Serbisë në Kosovë.
“Tragjike sot është se Edi Rama, ky vasal i shpifur i Aleksandër Vuçiç, bllokon me urdhër të padronit të tij prej një viti votimin ne Parlament te Rezolutës së deputetëve të Partisë Demokratike për dënimin e genocidit serb në Kosovë”, ka shkruar Berisha.
Berisha po ashtu ka kërkuar që të vihen para drejtësisë autorët e organizatorët e masakrës.
“Prandaj dhe duke ndarë dhimbjen e thellë me familjet dhe të afërmit e viktimave të masakrës së Reçakut, dënoj me forcën më të madhe si autorët e krimit monstruoz ashtu qëndrimin tradhëtar antikombëtar të Edi Ramës që ka shndërruar Shqipërinë në vend vasal të Beogradit”, ka shkruar Berisha.
