Siç theksoi ai, në raste të tilla nuk ka asnjë gabim nga ana e Ministrisë që t’i ketë pronat e vlerësuara, por nuk është i drejtë momentumi i zgjedhur.
“Problemi qëndron tek rritja e lartë e menjëhershme. Rastet e tilla është interes i shtetit që ti ketë pronat të vlerësuara realisht, mirëpo në aspektin formalo-juridik, është e drejtë e Minstrisë së Financave dhe nuk ka asnjë gabim. Mirëpo a është i drejtë si vendim, marrë parasysh kontekstin dhe momentumin kur është marrë ky vendim, këtu nuk pajtohem me këtë vendim”, tha ai në “Këndi i Debatit” në Tëvë 1.
Sipas tij, shteti u bë palë në rritjen e çmimeve.
“Problemi është sepse shoqëria është duke u ballafaquar që dy vite radhazi me një ngritje të lartë të çmimeve të shportës bazë, e cila si duket po vazhdon edhe në këtë fillim vit. Dhe meqenëse çmimet nëse krahsohen tash me dy vite më herë, kemi një rritje afër 30% të shportës bazë, atëherë i bie që edhe shteti u bë palë në rritjen e çmimeve njëjtë sikur bizneset të cilat vazhdimisht akuzohen nga i njëjti shtet apo nga qeveria se po spekulojnë me çmime”, deklaroi ai.
Bega potencoi se “në këtë rast shteti solli një inflacion 100% në këtë shërbim komunal”. /Teve1.info/
