Zëdhëënsi i BE-së, Peter Stano ka thënë se të gjitha palët duhet që të përmbahen nga veprimet e njëanshme, përcjell teve1.info
“BE-ja kërkon nga të gjitha palët që t’i respektojnë në tërësi dhe pa kushte marrëveshjet dhe aranzhimet e arritura më 23 nëntor të vitit të kaluar, me të cilat edhe Kosova edhe Serbia u pajtuan për masat specifike rreth targave për të ulur tensionet dhe për t’u fokusuar në tërësi te propozimi i BE-së për të normalizuar raportet e tyre”, ka thënë Stano.
Ai ka theksuar se e kanë parasysh vendimin e Serbisë që letrat ngjitëse të regjistrimit për targat KM nuk do të rinovohen.
“Ne, gjithashtu, kemi marrë parasysh vendimin e Serbisë, më 6 dhjetor 2022, që letrat ngjitëse të regjistrimit për targat KM nuk do të rinovohen. Ne kuptojmë se rinovimi i sigurimit dhe kontrolli teknik ka të bëjë me automjetin e jo me tabelat e regjistrimit, dhe si i tillë nuk mund të konsiderohet rinovim i tabelave të regjistrimit”, ka thënë Stano.
Ministri i Punëve të Brendshme, Xhelal Sveçla ka njoftuar dje se Serbia ka shkelur marrëveshjen për targa të arritur me Kosovën.
Me marrëveshjen e nënshkruar në nëntor, Serbia është pajtuar të mos lëshojë targa me emërtimet e qyteteve të Kosovës, e Kosova do të ndërpresë veprimet e mëtejshme në lidhje me riregjistrimin e automjeteve. /Teve1.info/
