Sipas pamjeve të gazetares Albiona Hajdari nga vendi i ngjarjes, të gjitha mjetet e rënda që ishin vendosur si barrikadë përgjatë rrugës, janë parkuar skaj saj, pikërisht në vendin ku ishte e vendosur një nga barrikadat, tek “Përroi i Zhazhës”.
Barrikadat të cilat ishin kryesisht kamionë dhe mjete tjera të rënda, u larguan të enjten nga KFOR-i me ndihmën e Policisë së Kosovës.
Barrikadat ishin vendosur rreth 3 javë para vitit të ri, nga serbë lokal të asaj pjese, duke ndaluar qarkullimin e qytetarëve dhe mallrave gjatë gjithë asaj kohe.
Rrugët u zhbllokuan dy ditë par ndërrimit të motmoteve, mirëpo në disa pika mjetet e rënda me të cilat ishte bërë barrikadimi i rrugës kanë mbetur ende, duke e penguar qarkullimin e lirë të veturave.
