Kjo meqë po përballen me reduktime të ujit me orë të tëra.
Ndërkaq banorët e kateve të larta vazhdojnë të mos kenë furnizim me ujë me ditë të tëra.
E qytetarët në këtë komunë tregojnë se si po e përballojnë këtë situatë.
“Po vjen nganjëherë sa me i mbush disa kove me ujë”, tha Bajram Osmani, banor në Komunën e Fushë-Kosovës.
“Sa ke uji i trubullt e kemi marrë ujin e kemi vlu e kemi ftof dhe e kemi përdorë për pije…”, Rashit Lladrovci, poashtu banor i kësaj komune
“Unë për vete kam rezervuar 1000 litra e kam siguru dhe po ja dal…”, tha një tjetër.
Me të njëjtin problem po ballafaqohen dhe disa banorë në lagjen Kalabria.
“Nuk kena pasë pesë ditë kur ke trubullira, tashmë dje nuk kemi pas nga 4 deri mëngjes, vetëm po blejmë”, tha Hysen Ahmeti banori kësaj lagjje të Prishinës.
“Këtu në këtë lagje gjyshja jem po blen bidona, për cdo rast sepse ka ujë po jo kualiteti i mirë…”, th një tjetër.
Tutje, nga Kompania Rajonale e Ujësjellësit “Prishtina” thonë se si pasojë e mungesës së pompave të ujit në ndërtesa banorët e kateve të larta nuk po furnizohen me ujë, derisa sipas tyre orari i publikuar po respektohet.
“Janë disa zona në Fushë Kosovë sidomos katet e larta që me të vërtetë janë në gjendje më të rëndë dhe nuk po e marrin furnizimin me ujë të pijshëm, mirëpo në ato ndërtesa kolektive me kohe nuk janë vendosur pompa, duhet të ketë pompa më patjeter që të ketë shtytje të ujit që nga kati i 5 deri më lartë…. Tash për tash e kemi gjendjen e njejtë po shpresojmë që shumë shpejtë do të stabilizohet vetëm po e presim edhe kthjellimin e ujit në kanalin e Ibrit sepse ende është në nivel të lartë të trubullirës…”, tha Arjeta Mjeku, zdhënëse në KRU “Prishtina”.
Sipas tyre jashtë funksionit është impianti i trajtimit të ujit në Shkabaj prej ku furnizohen Fushë Kosova, Drenasi, Obiliqi, Lagjja Kalabria dhe Sipas tyre jashtë funksionit është impianti i trajtimit të ujit në Shkabaj prej ku furnizohen Fushë Kosova, Drenasi, Obiliqi, Lagjja Kalabria dhe Zona Industriale.
Kronika e gazetares Lendrina Kodrolli.
