Sipas saj, Ministria e Financave duhet ta pezullojë vlerësimin e fundit të patundshmërive në Kosovë dhe ta procedojë sa me parë në Kuvend Ligjin e ri për Tatim në Pronë, përcjell teve1.info
“Zgjidhjen duhet ta orfoj Ministria e Financave Punës dhe Transfereve: 1. Ministria e Financave, Punës dhe Transfereve me një vendim të pezulloj vlerësimin e fundit të patundshmërive në vendin tonë, sepse është bërë në kushte të një inflacioni enrom dhe 2. Ta procedoj sa me parë në Kuvend Ligjin e ri për Tatim në Pronë, i cili është draftu nga grupi punuës që nga tetori 2022, me të cilin duhet të largohet pragu i poshtëm 0.15% dhe të mbetet vetëm pragu i lartë, në mënyrë që të ju lejohet komunave të bëjnë përshtatjen e normave të tatimit sipas rrethanave”, ka shkruar ajo në Facebook.
Ajo thotë se Komunat i kanë normat e njëjta të tatimit sikurse edhe vitin e kaluar, por është MF-ja ajo e cila ka bërë vlerësim të pronave, i cili siç thotë ajo, ka shtyer deri të “fryrja enorme e faturave të tatimit në pronë”.
“Mënyra e llogaritjes së tatimit në pronë është paracaktuar sipas Ligjit Nr 06/L-005 për Tatim në Pronë dhe qytetarët duhet ta dinë se komunat në kohën kur po flasim nuk e kanë bërë asnjë veprim për rritjen e tatimit në pronë, por është Ministria e Financave Punës dhe Transfereve e cila sipas Ligjit Nr 06/L-005 për tatimit në pronë, Nenit 18 e ka për obligim që t’i bëj vlerësimet e pronave çdo 3 vjet, vlerësim të cilin se fundi e ka bërë në kushte të këtij inflacioni marramandës dhe ky vlerësim i fundit ka shpier deri të fryrja enrome e faturave të tatimit në pronë e cila me të drejtë ka nxitur reagim qytetarë. Komunat i kanë normat e njëjta të tatimit sikurse edhe vitin e kaluar, të cilin e përcaktojnë në bazë të Ligjit Nr 06/L-005 për Tatimit në Pronë, Neni 9 i ketij ligji, ju jepë të drejtë komunave caktojnë normat e tatimit në pronë mes minimumit dhe maksimumit që është 0,15% deri 1%. Çka d.m.th. kjo edhe nëse komuna e ka normën minimale që është 0.15% por Ministria e ka vlerësu dysfysh vlerën e pronës suaj, prapë tatimi është dyfishy”, ka deklaruar Bajrami.
Ish-ministrja e Financave ka potencuar se qytetarët nuk mund të përballojnë tatime më të larta, dhe të vetmen rritje që kanë përjetuar qe dy vite është ajo e çmimeve.
Dje në rrjetet sociale është raportuar se Komuna e Prishtinës ka rritur tatimin në pronë, me ç’rast dhjetra qytetarë kanë reaguar duke e quajtur si vendim absurd.
Pas kësaj, Komuna e Prishtinës ka reaguar duke thënë se nuk e ka bërë përcaktimin e shumave në faturat e qytetarëve për vitin tatimor 2023, pasi sipas tyre është Ministria e Financave ajo e cila bën vlerësimin dhe përcakton zonat e nivelet e vlerave. /Teve1.info/
