Ai tha se vizita e tillë quhet diplomaci fluturuese, ku pas takimeve të tilla nuk diskutohet fare për atë se çfarë deklarohet.
“Vetë ardhja e negociatorve, diplomacia fluturuese siç quhet e shpejt, e pa bërë publike ka edhe misione të tjera. Ato që thuhet kurrr nuk janë ato që janë diskutuar brenda. Ato që janë deklaruar prej atë ditë sot kanë qenë ndoshta pika të padiskututa në takim”, tha ai.
Lajçak pas takimit me Kurtin mohoi se është propzuar ndonjë kornizë e re për dialogun dhe tha se po punojnë për një takim tjetër Kurti-Vuçiq.
Ndërkaq, Avdia theksoi se Lajçaku nuk ka ardhur për të diskutuar për marrëveshjet, por për të marrë detyrat të cilat janë lënë para dy javësh.
“Lajçaku nuk ka ardhur as për të diskutuar marrëveshjet e as për të gjetur.ai ka ardhur për të marrë detyrat të cilat janë lënë para dy javësh që ishin me Escobarin dhe ai kërkon përmbushjen eksplicite të atyre pikave të cilat janë në draft-dokument por edhe partnerët të cilët me kë duhet dhe nga kush duhet”, deklaroi ai.
Presidenti i Serbisë, Aleksander Vuçiq, pas takimit me Lajçak dhe këshilltarët e presidentëve të Gjermanisë dhe Francës javën e kaluar në Beograd tha se i është propzuar një kornizë e re për dialogun.
Vuçiq tha se ata i kanë propozuar “kornizë të re” për dialogun me Kosovën.
Edhe Qeveria e Kosoves ka mohuar se eshte propozuar nje kornizë e re per dialog./Teve1.info/
