Në një përgjigje për Teve1.info, zëdhënësi i Agjencisë së Ushqimit dhe Veterinës, Lamir Thaçi ka thënë se menjëherë pas marrjes së informatës së katër persona janë helmuar nga ushqimi me hamburger, është iniciuar inspektimi sanitar tek operatori i dyshuar.
Sipas tij, në vendngjarje inspektorati konstatoi se subjekti përgatiste vetëm hamburgerë me salcë dhe sallatë.
“Agjencia e Ushqimit dhe Veterinarisë menjëherë pas marrjes së informatës se 4 persona janë helmuar nga ushqimi me hamburger dhe të njëjtit gjenden në klinikën infektive, është iniciuar inspektimi sanitar së bashku me mostruesit e IKSHPK-së tek operatori i dyshuar ku janë shërbyer me ushqim të helmuarit. Në vend ngjarje inspektorati konstatoi se: Subjekti për të cilin bëhet fjalë ‘Aga Burger 2 SH.P.K’ me adresë në rr: Lidhja e Prizrenit në Lipjan posedonte kushtet higjiene dhe tekniko sanitare minimale për zhvillimin e veprimtarisë. Në objekt përgatiste vetëm Hamburger me sos dhe sallat, Inventarin muret, tavolinat e punues i posedonte sipas kërkesave të zhvillimit të veprimtarisë”, tha ai.
Thaçi thotë se lokali është mbyllur përkohësisht deri në dalje të rezultateve.
“Janë marr 5 strisho dhe 4 mostra për testim. Lokali është mbyllur përkohësisht deri në dalje të rezultateve. Varësisht nga rezultatet laboratorike rasti do të procedohet tutje sipas procedurave administrative bazuar në të gjetura e mbledhura nga gjurmueshmeria e rastit”, ka deklaruar Thaçi. /teve1.info/
