Teve1.info raportoi se policia e ka arrestuar një person në Korishë të Prizrenit nën dyshimin se ka kryer veprën penale të “Mashtrimit”.
Sipas njoftimit i dyshuari kishte marrë para nga viktima, me premtimin që do të ndihmonte në punësimin e një anëtari të familjes në spital.
Përmes një raporti shtesë, policia bëri të ditur se i arrestuari është një mjek. Ai që nga viti 2021 i kishte përfituar rreth 10 mijë euro, me premtimin se do të ndihmonte në punësimin e vajzës së të dëmtuarit, në Spitalin Rajonal të Prizrenit.
Policia ka bastisur edhe shtëpinë dhe objekte të tjera përcjellëse të të dyshuarit por nuk ka arritur të gjejë ndonjë provë që lidhet me rastin.
Pas arrestimit, të dyshuarit i është caktuar masa e ndalimit prej 48 orëve.
https://teve1.info/lajmet/i-mori-para-me-premtimin-se-do-tia-punesonte-nje-familjar-ne-spital-arrestohet-nje-person-ne-prizren/
