Është arrestuar personi që dyshohet se ka djegur garazhën në shtëpinë e redaktorit të RTK-së, Alban Selimit.
Person i arrestuar është A.L, 42-vjeçar.
Me vendim të prokurorit i njëjti është dërguar në mbajtje.
“Polica po vazhdon punën në drejtim të garantimit të rendit dhe sigurisë publike si dhe goditjes së individëve dhe grupeve kriminale, me fokus të veçantë zbardhjen e veprave kriminale, identifikim dhe arrestimin e të dyshuarve të implikuar në ngjarjet kriminale”, thuhet në njoftimin e policisë.
Ndërsa Selimi ka thënë që i arrestuari është fqinj i tij.
Sipas tij shkak i aktit dyshohet të jetë një hulumtim që e kishte realizuar gjatë punës në transmetuesin publik.
“Ky po del te jete emisioni qe ka shkaktu zjarrin ne shtepine time. I arrestuari i sotem qe eshte fqinj i imi ka lidhje familjare me uzurpatoret e ketyre tokave. Drejtesia duhet ta thote fjalen e saj per kriminelin, kushdo qofte ai!”, ka shkruar Selimi.
