Lajmin e për arrestimin e tij për Teve1.info e ka bërë zëdhënësi i policisë për rajonin e Gjilanit, Ismet Hashani.
Ai ka njoftuar se i njëjti, me vendim të prokurorit është ndaluar për 48 orë.
“Sot me datën 16.01.2023 si rezultat i një pune mirë të organizuar operacionale dhe veprimeve intensive hetimore është arritur që të arrestohet në pikë kufitare personi i cili ishte në kërkim policor F.Sh. (1994) shtetas kosovar për shkak të veprës penale ,,Shkaktim i rrezikut të përgjithshëm’’ i datës 28.12.2022”, ka njoftuar Hashani.
Ai po ashtu ka bërë të ditur se i arrestuari është intervistuar në bazë të procedurave ligjore në Stacionin Policor Gjilan.
“Në lidhje me rastin është njoftuar Prokurori i Shtetit i cili ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ,,Shkaktim i rrezikut të përgjithshëm’’ dhe ,,Përdorim i armës’’. Rasti procedohet në Prokurorinë Themelore”, ka shtuar ai.
