Sipas PK-së për këtë aksion janë kryer hetime disa mujore.
“Pas një pune hetimore disa muajsh, mbrëmë, rreth orës 18:30, hetues të Sektorit Rajonal të Hetimeve në Prizren, në koordinim me prokurorin e shtetit i kanë arrestuar tre të dyshuar mbi të cilët rëndojnë akuzat për fajde; detyrim dhe kanosje”, thuhet në njoftimin e PK-së.
Më tej bëhet e ditur se me vendim të gjyqtarit, është bastisur banesa e një nga të dyshuarit dhe se aty janë sekuestruar gjësende në cilësi të provave materiale.
Me vendim të prokurorit, të dyshuarit janë dërguar në mbajtje prej 48 orëve. /Teve1.info/