Politologu, Dritëro Arifi duke komentuar videot e publikuar nga partia në pushtet kundër qeverive të kaluara, tha se partitë opozitare duhet të kërkojnë falje që kanë vjedhë shumë, ose Lëvizja Vetëvendosje duhet t’u kërkojë falje atyre.
“Partitë opozitare nuk kanë parim, janë parti pakurrizorë. E tash këtu jemi para një dileme, ose duhet partitë opozitare të kërkojnë falje që kanë vjedhë shumë, ose duhet Lëvizja Vetëvendosje tu kërkojë falje atyre duke u thënë “nuk qenkeni kaq shumë kriminela”. Pra, është krijuar një situatë aspak e favorshme për të dyja palët. Prandaj edhe opozita duhet të tregojë një parim, ose janë hajna ose duhet të kërkojnë falje”, theksoi Arifi në emisionin “Këndi i Debatit” në Tëvë1.
Madje sipas Arifit, kryeministri i vendit Albin Kurti, në të gjitha deklaratat e tij flet vetëm për të kaluarën, e këtë politologu e konsideroi si mjaft shqetësuese.
“Unë nuk pajtohem që Qeveria e ka bërë punën mirë, sepse e ka detyrë një gjë të tillë, ajo paguhet nga taksapaguesit. Qeveritë e kaluara e kanë marrë çmimin e vet. Këta s’po dinë më marrë përgjegjësi edhe s’po duan me marrë përgjegjësi”, u shpreh më tej Arifi./teve1.info/.
