E për këtë, Profesori universitar, Ujkan Bajra, vlerësoi se Ligji për pagën minimale po tentohet të hidhet poshtë.
Gjatë diskutimit për këtë temë, Bajra përmendi edhe ligjin për paga gjatë vitit 2009, e që sipas tij, nuk është zbatuar asnjëherë.
“Që nga viti 2009, Kosova e ka pasur Ligjin për paga, por nuk është zbatuar asnjëherë. E tani ligji aktual e ka shfuqizuar edhe atë ligj. Pra, nëse qëllimi nuk është për dështuar ky ligj, atëherë vlera e koeficientit është dashur të jetë publik. Mirëpo, unë dyshoj që pas gjithë kësaj fshihet diçka. Mendoj që qëllimi është që të hidhet poshtë ky ligj”, deklaroi Bajra në emisionin “Këndi i Debatit”.
I pyetur se cili mund të jetë interesi i këtij dështimi, Bajra tha se në bazë të trendit, nuk ka në horizont diçka që po duket më ndryshe.
Ndërkaq, sipas ekonomistit Erton Bega, vlera e koeficientit assesi nuk duhet të jetë nën 132 euro, derisa shtoi se në qoftë se do jetë më i ulët, do jetë i dëmshëm dhe do krijohen provokime sindikale.
“Pas publikimit të koeficientit ishte një paralajmërim që vlera e tij do ishte një surprizë e hidhur. Unë konstatoj që çfarëdo koeficienti i cili do mund të ishte nën vlerën 132 euro për tu përputhur me nismën ligjore për përcaktimin e pagës minimale, është i dëmshëm, joreal dhe do të provokojë veprime sindikale të cilat nuk janë të mirëseardhura. Në këtë mënyrë do pengohet veprimtaria normale e familjeve. Prandaj, uroj që të mos jetë nën 132 euro”, u shpreh tutje Bega në Tëvë1.
Prandaj sipas Begës, në kushte normale koeficienti do duhej të ishte minimalisht i barabartë me pagën minimale./teve1.info/.
