Përmes një njoftimi thuhet se të shqetësuar kanë përcjellë situatën me vërshimet e djeshme nëpër qytetet dhe fshatrat e Kosovës.
Teksa duke pasur parasysh situatën e rënduar në vend, aktivistët e VV-së kanë shprehur gatishmërinë vullnetare të aktivistëve gjithandej komunave për të ndihmuar në rast nevoje.
“Teksa institucionet qendrore e komuale, emergjencat civile, Policia e FSK, mjekët, Instituti i shëndetit publik, punëtorët e ujësjellësve, po vazhdojnë të jenë në terren duke ndihmuar qytetarët që kanë pësuar nga kjo fatkeqësi, Lëvizja VETËVENDOSJE! Shprehë gatishmërinë vullnetare të aktivistëve gjithandej komunave për të ndihmuar në rast nevoje. Ndërkohë, ftojmë të gjithë qytetarët e vendbanimeve të prekura nga vërshimet që të qëndrojnë të informuar, t’i përcjellin dhe ndjekin udhëzimet e institucioneve tona e sidomos ato të IKSHPK-së lidhur me sigurinë e cilësinë e ujit të pijes”, thuhet në njoftim.
Tutje kanë kërkuar nga qytetarët që t’i shmangen zonave me rrezik të vërshimeve gjatë orëve në vijim.
“T’i shmangemi zonave me rrezik të vërshimeve gjatë orëve në vijim. Atyre me potencial të rrëshqitjes së dheut. Të njoftojmë autoritetet sapo të vemë re se dikush gjendet në rrezik dhe të lehtësojmë njoftimin e insitucioneve për t’i dhënë sa më parë ndihmë atyre në nevojë.E mbi të gjitha të sigurohemi që të jemi prezent në rast të kërkesës për ndihmë nga institucionet.Qendrat Operative Emergjente janë prej ditës së djeshme të aktivizuara dhe për çdo urgjencë duhet të kontaktojmë në numrin emergjent 112”, thuhet tutje./teve1.info./
