Anëtari i LDK-së, Skender Hyeni, ka reaguar ndaj deklaratës së kryetarit të partisë së tij, Lumir Abdixhikut, për marrëveshjen që është arritur mbrëmë në Ohër mes kryeministrit të Kosovës, Albin Kurti dhe presidentit të Serbisë, Aleksandar Vuçiq.
Hyseni ka thënë se ka komentuar në reagimin e Abdixhikut në Facebook, por që vetëm pas pak sekondash ai e kishte bllokuar dhe ia kihte fshirë komentin, raporton teve1.info.
Ai ka thënë se me këtë gjest “një lider partie nuk e ka guximin të përballet me kritikën!”.
“Lumir Abdixhiku, “lideri” i LDK-së, paska bërë një deklaratë sonte vonë, ku paska thënë që Kurti ka bërë gabime të pariparueshme në Ohër. Përtej prakatikës time, për herë të parë komentova në murin e ndokujt në FB. Pas vetëm pak sekondash, vërejta se syri “vigjilent” i Lumirit, më kishte bllokuar dhe kishte fshirë komentin tim.. Kjo është akoma më shqetësuese! Një lider partie nuk e ka guximin të perballet me kritikën!
Ndërkaq, të njëjtin koment të cilin Hyseni thotë që Abdixhiku e ka fshirë, ai e ka bërë publik.
“Sa për dijeninë tuaj, ky ishte përafërsisht komenti im në postimin e Abdixhikut: Nuk e kam zakon dhe është hera e parë që komentoj në murin e dikujt, por ja që nuk munda të mos komentoj hipokrizinë tënde politike, Zotëri Lumir Abdixhiku. Ka kohë që kam thënë se Kurti do të bëj gabime të pariparueshme. Por Kurti ka bërë gabime të pariparueshme edhe me përkrahjen tuaj gjeneroze zoti Abdixhiku. Përkrahja juaj e parezervë për politikat idioteske të Kurtit e Osmanit në veri të vendit gjatë dy vjetëve të kaluara, ka sjellur ‘ndëshshkimin ndërkombëtar” në Ohër. Ndëshkim, të cilin, unë, megjithatë e mirëpres, ngase e pakta ndërprenë katandisjen e mëtejme të vendit tonë. Ka situata politike, kur heshtja të ruanë pak kredibilitet! Mbase edhe pak fytyrë! Pra, mjaft me hipokrizi!”, ka shkruar Hyseni.
