Një pjesë e tyre pagën e morën me vonesë, kjo me arsyen se organizatat buxhetore nuk i kanë dërguar listat e atyre që ishin në grevë.
Madje ministri të Financave, Hekuran Murati ishte shprehur se ligjet aktuale e lejojnë pezullimin e pagave për grevistët.
Ndërsa ende nuk dihet se si do të veprojë këtë muaj ekzekutivi me punëtorët të cilët nuk punuan gjatë muajit shtator.
Tëvë 1 ka dërguar pyetje në Ministrinë e Financave se a do t’u dalin pagat grevistëve por gjatë së mërkurës nuk ka marrë ndonjë përgjigje.
Ndërsa nga Asociacioni i Komunave të Kosovës kanë bërë të ditur se lista e pagave u është dërguar nivelit qendror dhe se presin që më së largu deri me 5 tetor të ekzekutohen ato.
Kurse nga Sindikata e Bashkuar e Arsimit thonë se pezullimi i pagave të mësimdhënësve të cilët kanë hyre në grevë nuk mund të ndodhë.
Madje sipas saj SBASHK-u nuk ka buxhet për të mbuluar pagat e mësimdhënësve.
Që nga data 25 gusht Bashkimi i Sindikatave të Pavarura të Kosovës ka hyrë në grevë, ku kërkesa e tyre është shtesa prej 100 euro deri në miratimin e ligjit për paga.
Kronika e gazetares Doresa Geci.
