Zekaj ka thënë se ka qenë gabimi më i madh që janë prekur pagat e gjyqtarëve. Sipas tij, një ulje e tillë e pagave bëhet vetëm në raste të recesionit të thellë ekonomik.
“Është një vendim skandaloz i paarsyeshëm në këtë fazë, ku pikërisht sistemi gjyqësor përmes një përbërje të re të Këshillit Gjyqësor po tenton që të bëjë përpjeke të fundit për t’u këndellur për të përmirësuar gjendjen në sistemin gjyqësor. Ne kemi sot mbi 250 milionë në sistemin gjyqësor dhe ka qenë gabimi më i madh që të preken pikërisht pagat e gjyqtarëve për arsye se kjo mund të bëhet vetëm në raste të recesionit të thellë ekonomik në vend kur shteti është në krizë të thellë ekonomike mund të mendohet për një lloj ulje të pagave”, ka deklaruar ai në emisionin “Ditari” në Tëvë1.
Po ashtu, Zekaj thotë se një vendim i tillë është marrë në mënyrë të kundërligjshme.
“Një vendim i tillë është marrë në mënyrë të kundërligjshme sepse një vendim i tillë tanimë është kthyer në normë kushtetuese dhe unë besojë shumë që duhet nga institucionet kompetente të sfidohet ky vendim në Kushtetuese qoftë nga numri i caktuar i deputetëve apo avokati i popullit”, shtoi ai.
Qeveria e Kosovës të mërkurën ka marrë vendim për uljen e pagave për gjyqtarët dhe prokurorët, duke shfuqizuar një vendimi të Qeverisë Haradinaj.
Vendimi i Qeverisë është kundërshtuar edhe nga Këshilli Gjyqësor, i cili ka marrë vendim edhe për reduktimin e punëve,/Teve1.info/
