Këtë deklaratë Rizvanolli e bëri në një konferencë për media në edicionin e 5-të të Samitit Digjital i cili po mbahet këtë vit për herë të parë në Prishtinë, shkruan teve1.info.
“Ministra e Ekonomisë është duke punuar vazhdimisht në projekte dhe politika të ndryshme të cilat janë të domosdoshme për të krijuar kushte për zhvillimin e një sektori të ICT-së dinamik siç e kemi ne ketë sektor me të cilin jemi shumë krenarë. Ky samit do të jetë vazhdim por edhe një fillim i ri për iniciativa të reja rajonale të cilat shumë shpejt do t’i konkretizojmë me rezultate për qytetarët tonë të të gjithë rajonit”, tha ajo.
Tutje ministrja Rozvanolli tha se ky samit do tu krijojë mundësi të rinjëve t’i tregojnë shkathtësitë dhe shërbimet që ata i ofrojnë dhe do të ketë mundësi rrjetëzimi edhe me ekspert dhe organizata nga shtetet tjera.
“Kemi dashur që samiti ta sjellë shpirtin e shtetit tonë të ri më të mirat që i kemi me të rinjtë tonë, me fëmijët tonë dhe ne sot patëm mundësin që t’i shohim fëmijë që nga mosha 6 vjeçare duke koduar duke krijuar loja dhe duke krijuar aktivitete të ndryshme nga fusha elektronikës dhe robotikës. Do të kenë mundësi t’i tregojnë shkathëtitë dhe shërbimet që ata i ofrojnë dhe të kenë mundësi rrjetëzimi me ekspert organizata dhe biznese nga shtetet tjera të rajonit”, shtoi Rizvanolli./Teve1.info/
