Të gjithë anëtarët e kabinetit qeveritar votuan pro këtij vendimi ndërsa ishte ministri për Komunitete dhe Kthim Nenad Rashiq, ai i cili nuk u pajtua dhe abstenoi.
Teve1.info ka tentuar ta kontaktoj Rashiqin për të mësuar arsyen e këtij abstenimi mirëpo ky i fundit nuk i është përgjigjur thirrjes.
Me këtë rast, Kryeministri i Kosovës, Albin Kurti tha se kjo shumë është ndarë për hulumtimin, shkrimin, editimin dhe shtypjen e librit të memorieve të ambasadorit William Voker rreth masakrës së 15 janarit të viti 1999 Reçak, shkruan teve1.info.
“Libri do të përshkruaj ngjarje rreth masakrës së Reçkut të paraqitura nga këndvështrimi i ambasadorit Woker, të treguara nga perspektiva e tij personale si shef i misionit verifikues të OSBE-së”, tha Kurti.
Ndërkohë këtë të diele bëhen 25 vite nga masakra e Reçakut.
