Përmes një postimi në Facebook, Haxhiu ka shkruar se këto krime të rënda pasqyrojnë se sa shumë është i përhapur femicidi në shoqërinë kosovare.
“Një grua dhe foshnja që priste ta sillte në jetë u vranë tek shkallët e repartit të gjinekologjisë. Krim i rëndë, vrasje e dyfishtë! Këto krime të rënda na bëjnë të kuptojmë që femicidi është i përhapur në shoqërinë tonë. Rastet si ky na bëjnë të kuptojmë që pavarësisht veprimeve që kemi ndërmarrë, kemi edhe shumë punë për të bërë. Lufta me femicidin mund të jetë e vështirë por nuk guxojmë të humbim shpresat por të bashkohemi si institucione dhe si shoqëri për luftimin e femicidit që po merr jetët e grave”, thuhet në postimin e saj.
Më tej, ajo ka njoftuar se nesër në ora 08:30, do mblidhet grupi i ngushtë ndërministror me qëllim të raportimit për së afërmi me secilin veprim institucional.
“Gruaja që priste fëmijën të sillte në këtë botë, vritet nga burri i saj, në vendin ku lindin fëmijët e vendit tonë, ku gratë bëhen nëna, nga atje ku lindë një jetë e re. Me shpresën për një botë më të mirë. Një grua që duhej të mbrohej. Ajo u shua. U shua bashkë me fëmijun ende të pa lindur. Familjarëve të viktimave, u shprehim ngushëllimet më të sinqerta! Dhunuesit dënimin më meritor!”, ka shkruar ajo tutje.
Kujtojmë se një grua është vrarë para Qendrës Klinike Universitare të Kosovës.
Ndërsa, gruaja që mbeti e vrarë ka qenë shtatzënë./teve1.info/.
