Ai ka thënë se ky vendim do të rëndojë edhe më shumë jetën e qytetarëve.
“Në kohën kur qytetarët e Kosovës po ballafaqohen me një goditje shumë të rëndë të standardit të jetesës si rrjedhojë e rritjes së çmimeve, Qeveria e Kosovës paska vendosur ta dyfishojë tatimin në pronë për shumë qytetarë, duke ua rënduar edhe me tej gjendjen veç se të rënduar ekonomike”, ka shkruar ai në Facebook.
Mustafa ka thënë se politikat për të rënduar jetën e qytetarëve në këtë krizë, dëshmojnë për kapacitetet e dobëta të kësaj qeverie.
“Kjo politikë e Qeverisë për t’i ngarkuar qytetarët me tatime më të larta në këtë kohë krize është vështirë e kuptueshme dhe flet më së miri për kapacitetet e dobëta qeverisëse dhe shpërfilljen që kjo Qeveri po i bën vështirësive me të cilat po ballafaqohen qytetarët. Me politika si kjo, Qeveria e Kosovës po dëshmon se është duke jetuar e shkëputur nga realiteti i zymtë ekonomik që po mbretëron në Kosovë”, ka shkruar ai.
Ky vendim për rritjen e tatimit në pronë është kundërshtuar edhe nga deputetja e LDK-së, Hykmete Bajrami. Ajo ka kërkaur shfuqizimin e këti vendimi duke kërkaur që Qeveria ta procedojë sa më shpejtë në Kuvend Ligjin e ri për Tatim në Pronë.
