Ai ka thënë se këtë vit do ta rikthejmë Departamentin e Blegtorisë si dhe do të themelojmë atë të Sigurisë Ushqimore.
Peci përmes një postimi në Facebook, ka thënë se këtë vit përmes Programit për Zhvillim Rural – Grante 2023, do të krijohet një fond i veçantë me qëllim të shtimit të Fondit Blegtoral.
Ai ka bërë të ditur se këtë viti do të ketë mbështetje financiare të broilerëve (zogjve për mish)
“Blegtoria dhe shpeztaria nga ky vit do të ketë vëmendje të veçantë. Në kuadër të ri-strukturimit të departamenteve brenda Ministrisë do ta rikthejmë Departamentin e Blegtorisë si dhe do të themelojmë atë të Sigurisë Ushqimore; detyrë e të cilëve do të jetë hartimi i politikave të duhura dhe trajtimi i problematikave me të cilat përballet ky nën-sektor. Përmes Programit për Zhvillim Rural – Grante 2023, parashohim fond të posaçëm me qëllim të shtimit të Fondit Blegtoral. Nga ana tjetër në Programin për Pagesa Direkte – 2023 kemi futur si risi mbështetjen financiare të broilerëve (zogjve për mish) si dhe eleminimin e përshkallëzimit për pulat vojse”, ka shkruar ai, ku ka njoftuar se ka marrë pjesë në Panairin e Kafshëve dhe Shpezëve, organizuar nga Asociacioni Kombëtar i Kultivuesve të Kafshëve të Imta, Shoqata e Qumështarëve të Kosovës, Federata Kinologjike dhe Federata Ornitologjike e Kosovës./teve1.info/
