Në këtë takim Mehaj tha se anëtarësimi i Kosoës në NATO është domosdoshmëri, duke theksuar se kështu Ballkanit do i shtohet një aleat i politikave evropiane.
“Gjithashtu, Ministri Mehaj theksoi domosdoshmërinë që Republika e Kosovës sa më parë të bëhet anëtare e NATO-s , pasi vetëm kështu Ballkanit do i shtohet një aleat i politikave evropiane, krah i aleancës dhe i ruajtjes së stabilitetit në këtë rajon që historikisht ka qenë vatër e konflikteve dhe gjithmonë në secilin rast nismëtar i konflikteve ishte po i njëjti shtet”, thuhet në komunikatë.
Ndër të tjera, Ministri Mehaj theksoi se synimi të cilin e kemi vendosur për anëtarësim në NATO dhe BE do e realizojmë sepse kemi vullnetin e hekurt dhe përkushtimin maksimal që bashkë, përkrah aleatëve tanë t’i kontribuojmë ruajtjes së paqes dhe stabilitetit në vend, rajon dhe më gjerë.
Nga ana e tij, Sekretari Austin, vlerësoi lartë arritjet e Republikës së Kosovës si dhe gatishmërinë e FSK-së për të ndihmuar Ukrainën përmes ofrimit të trajnimeve dhe strehimin e tyre, si dhe rikonfirmoi përkrahjen e pakursyer të ShBA-së në çdo etapë të rrugëtimit tonë si shtet për anëtarësim në organizatat ndërkombëtare./teve1.info/
