E duke marrë parasysh rrezikun që bartin ruajtësit e sigurisë, sidomos në situatën aktuale, njohësit e fushës kërkojnë domosdoshmërisht plotësimin e kësaj nevoje.
Situata e krijuar në veri të Kosovës, bëri qw Policisë së Kosovës t’i shtohen orët e punës.
Kjo pas dorëheqjes së zyrtarëve policorë serbë, që shërbenin në rajonin e Mitrovicës së Veriut.
Pavarësisht rreziqeve që bartin, që prej themelimit të kësaj force, ata ende mbeten pa sigurim shëndetësorë.
Duke marrë parasysh situatën aktuale, Kryetari i Sindikatës së Policisë, Imer Zeqiri, thotë se tash është momenti i fundit për plotësimin e kësaj kërkese.
Si i domosdoshëm, sigurimi shëndetësor po shihet edhe për pjesëtarët e Ushtrisë së Kosovës.
Njohësi i çështjeve të sigurisë, Bedri Elezi, thotë se bazuar në detyrat përgjatë stërvitjeve ditore, ushtarët e Forcës së Sigurisë së Kosovës duhet ta kenë këtë sigurim.
Shpesh herë ka pasur tentativa për të rregulluar këtë nismë, por pa sukses.
Kronika e realizuar nga Valëza Sylejmani
