Përmes një postimi në Twitter ai shprehet se dhuna ndaj zyrave zgjedhore komunale është e papranueshme andaj është mirë që Policia, EULEX-i dhe KFOR-i janë prezente.
“Vërtet shumë shqetësuese. Dhuna e djeshme ndaj zyrave zgjedhore komunale është e papranueshme. Mirë që PK-ja në koordinim me EULEX-in dhe KFOR-in është prezente. Mbështetje e plotë për demonstratat paqësore, por zero tolerancë ndaj dhunës”, thuhet në postim.
Very concerning indeed. Yesterday’s violence against municipal election offices are unacceptable. Good that KP in coordination with EULEX and KFOR is present. Full support for peaceful demonstrations but zero tolerance for violence. https://t.co/cYmwS19kuK
— Ambassador Jörn Rohde (@GermanAmbKOS) December 7, 2022
Ndërkaq, lidhur me këto shpërthime ka reaguar edhe ambasadori amerikan, Jeffrey Hovenier i cili Shtetet e Bashkuara të Amerikës janë shprehur të shqetësuar nga shpërthimet të martën në veri të vendit.
Ai tha se përdorimi i dhunës dhe i frikësimit duke rrezikuar jetën e njerëzve nuk është metodë e përshtatshme proteste.
Tutje, ai u shpreh se SHBA-të janë të shqetësuara që nuk janë krijuar ende kushtet që zgjedhjet të mbahen në fund të muajit në veri të Kosovës.
“Shtetet e Bashkuara dënojnë ata që ushtruan dhunë gjatë incidenteve të djeshme në veri të Kosovës. Përdorimi i dhunës dhe i frikësimit, duke përfshirë përdorimin e mjeteve shpërthyese, dhe rrezikimin e jetëve nuk është kurrë një metodë e përshtatshme proteste, në asnjë rrethanë. Shtetet e Bashkuara janë të shqetësuara se nuk janë krijuar ende kushtet që zgjedhjet të mbahen në fund të këtij muaji në veri të Kosovës”, ka shkruar ai./teve1.info/
