Me interesim mjaft të madh, po presin rezultatet e takimit mes kryeministrit të Kosovës Albin Kurti dhe presidentit serb Vuçiq. Shqiptarët në veri të vendit, po presin përmirësim të jetesës së tyre.
Mustafë Kelmendi, që gjithë jetën e kaloi në Mitrovicën e Veriut, thotë se atyre u duhet një zgjidhje e përhershme.
Kërkesën për marrëveshje që sjell paqe, e ka edhe banori tjetër, Faik Haziri.
Veçse për të, në dialogun aktual Kosova do të jetë fituese.
Tëvë1 ishte edhe tek banorët serbë, për të marrë qëndrime të tyre rreth asaj se çka presin nga dialogu për normalizim të marrëdhënieve mes Kosovës dhe Serbisë, por të njëjtit nuk deshën të prononcoheshin para kamerës.
Katër komunat veriore të vendit kishin qenë të bllokuara për javë të tëra, pasi që banorë lokalë vendosën barrikada në rrugët kryesore që çojnë në dy pikat kufitare: Jarinje dhe Bërnjak.
Vendosja e tyre ishte bërë pas arrestimit të ish-policit Dejan Pantic, derisa u larguan vetëm kur ky i fundit nga paraburgimi i dërgua në arrest shtëpiak.
Kronika e realizuar nga gazetari Arton Rama
