Gjatë fjalës së tij në Kuvend, Tahiri thotë se me miratimin e një buxheti të tillë rrezikohet mosfunksionimi i shtetit të së drejtës dhe i secilit sektor.
“Unë e kuptoj plotësisht ministrin Murati i cili ka arritë realisht jo vetëm me mashtru, po me qenë njeriu më i dobët në kabinet të Qeverisë por nuk kuptoj si një ministër i Financave e mbështetë një buxhet që e rrezikon funksionimin e shtetit të së drejtës, sigurinë kombëtare dhe e rrezikon funksionimin e secilit sektor vital të shtetit dhe del na flet për rritje buxhetit”, tha ai.
Sipas tij, nëse analizohet mirë ky projektpropozim atëherë shihet se i njëjti reflekton pazotësi dhe tendencë të kontrabandimit të politikave që çojnë shtetin në dështim.
Madje, deputeti opozitar ka përmendur disa nga kritikat e tij në kërë projektbuxhet për vitin 2023.
“Po e fillojmë me atë ku bëhet jeta në komuna të Kosovës. Neni 9.6 thotë që përmes këtij buxheti e drejta e të hyrave vetanake që është e garantuar me ligj dhe Kushtetutë për menaxhimin që komuna e ka në dorë të vet i merret për herë të parë të funksionimit të Administratës dhe i kthehet në menaxhim të centralizum”, shtoi ai.
Tahiri shton se me këtë buxhet dëmtohet sektori publik dhe ai privat.
Po ashtu, Tahiri u ka bërë thirrje kolegëve të tij opozitarë që ta ndalojnë miratimin e këtij buxheti, duke përmendur edhe barrikadimet.
“Unë propozoj që ne të nderuar deputetë të opozitës në çdo formë demokratike me ndalë kalimin e këtij buxheti deri te barrikadimi për mos me kalu nëse nuk buxhetohet nën 1, fillimisht të largohet fillimisht neni 9.6 për komunat që u i vidhen paratë e paguajnë për me pasë investime në komunë të tyre, etj.”, shtoi ai./teve1.info.
