Në një adresim për media, ajo ka paralajmëruar se gjatë stinës së dimrit mund të ketë reduktime të rrymës për shkak të shumë faktorëve
“Kriza sivjet në nivel të Evropës është shumë më e rëndë që ka qenë vitin e kaluar, kjo shkaku i luftës në Ukrainës dhe përdorimit të gazit dhe energjisë si armë nga Putini. Këto e bëjnë në një masë dimrin e paparashikueshëm. Kjo e bën të qartë se dimri do të jetë i vështirë, jo vetëm për ne, por edhe vendet si Gjermania, Britania janë duke u përgatitur për këto reduktime. Shpresojmë që masat e Komisionit Evropian ta zbusin krizën. Ne jemi duke shikuar të gjitha mundësitë që qytetarët dhe bizneset të kursejnë dhe të përdorin mjete alternative për nxehje. Secili nga ne duhet ta bëjë maksimumin, ne institucione jemi duke u bërë një gjë të tillë”, ka thënë ajo.
Tutje, Rizvanolli ka bërë të ditur se blloku A3 është kthyer në funksion të martën falë punës së pandalshme edhe gjatë natës.
“Nga e premtja donim të shihnim se si po shkojnë renovimet në bllokun A4. U befasuam për të mirë kur dëgjuam sot se blloku A3 është kthyer në funksion falë punës gjatë natës dhe sot të punëtorëve dhe udhëheqësve të KEK”, tha ajo.
Ndërkaq, sa i përket bllokut A4 ministja bëri të ditur se pritet që të kthehet në funksion në ditët e para të tetorit.
Po ashtu, nga kjo vizitë ajo u ka bërë thirrje qytetarëve për kursim të energjisë./teve1.info/
