Grupi organizativ i protestës “Asnjë cent më shumë” sot para ndërtesës së Qeverisë së Kosovës, ka paralajmëruar protestën kundër shtrenjtimit të rrymës lidhur me anulimin e vendimit të ZRrE-së për vendosjen e bllok tarifës dhe Nacionalizimin e KEDS-it.
Aktivistja e shoqërisë civile Liridona Sijarina, ka bërë ftesën për protestë.
“Sot, ne ftojmë të gjithë qytetarët e Kosovës të na bashkohen në protestë kundër shtrenjtimit të rrymës, nesër, e premte, duke filluar nga ora 12:00. Protesta nisë te sheshi ‘Zahir Pajaziti’ dhe përfundon te ndërtesa e Qeverisë. Protesta ka dy kërkesa: anulimin e vendimit të ZRRE-së për vendosjen e bllok-tarifës, dhe nacionalizimi i KEDS-it”, ka thënë Sijarina.
“Më 9 shkurt të 2022, ZRrE ka marrë vendim që të vendosë bllok tarifën e energjisë elektrike për të gjithë konsumatorët e ekonomive familjare në Kosovë, kalkulimin e së cilës e ka bërë paushall. Me vendimin e ZRrE-së të hyrat e lejuara maksimale brenda një viti për kompaninë private KEDS shkojnë në 447 milion euro. Kësaj kompanie po i rritet fitimi vit mbas viti ndërsa qytetarëve po i vështirësohen kushtet e jetës thuhet në komunikatën e grupit protestues, shkruan Teve1.info.
Sipas organizatorëve, “ E vetmja kategori e dëmtuar me këtë vendim mbetën qytetarët të cilët tash e sa kohë po e mbajnë mbi supe barrën e rënduar të të gjithë sektorëve të jetesës së tyre, si me rritje të çmimeve në sektor tjerë, si më shkallën e lartë të sapunisë tash edhe me rritjen e çmimit të energjisë elektrike”.
