Kështu ka njoftuar gazetari i Tëvë1, Valmir Gallopeni në një lidhje të drejtpërdrejt nga ajo pjesë.
Gallopeni ka bërë të ditur se është duke u zbatuar pa ndonjë problematikë masa për vendosjen e stikerave në targat e veturave të cilat vijnë nga Serbia në territorin e Kosovës.
“Është duke u zbatuar pa ndonjë problematikë masa për vendosjen e stikerave ose ngjitësve në targat e veturave të cilat vijnë nga Serbia në territorin e Republikës së Kosovës dhe një gjë e tillë është vërejtur edhe në qytetet në këtë zonë, pra në komunat veriore që edhe brenda qyteteve, qytetarët që kanë targa të Serbisë i kanë të vendosura këto stikera”, ka deklaruar ai.
Policia e Kosovës nuk do të nis as sot shqiptimin e gjobave për serbët që nuk kanë ndërruar targat ilegale në RKS. Kjo pas kërkesës së bërë mbrëmë nga SHBA-ja drejtuar Qeverisë së Kosovës për ta shtyrë këtë vendim për 48 orë.
Kërkesën e ambasadorit amerikan në Kosovë, Jeffrey Hovenier e ka pranuar kryeministri Albin Kurti, i cili ka thënë se është i lumtur të punojë me SHBA-në dhe BE-në për të gjetur një zgjidhje gjatë dy ditëve të ardhshme. /Teve1.info/
