Përmes një postimi në Facebook, Selmani ka deklaruar se buxheti i vitit 2023 është më i madhi në historinë e Komunës së Prishtinës.
Ai ka njoftuar se vitin e ardhshëm buxheti i kësaj komune do të jetë mbi 105 milionë euro, transmeton teve1.info,
“Sot miratuam buxhetin e Komunës së Prishtinës për vitin 2023 në vlerë 105,675,981.00 €, më i madhi në historinë e Komunës tonë”, ka shkruar ai.
Ndërkohë, Komuna e Prishtinës në vitin 2022 kishte ndarë mbi 90,669,333. euro gjë që nënkupton se në vitin 2023 do të ketë buxhetin më të madh për rreth 15 milionë euro.
Buxheti i Komunës për vitin 2023 u miratua me 26 vota pro.
Në seancë kanë munguar asamblistët e Vetëvendosjes, AKR-së dhe tre të AAK-së, të cilët e kanë bojkotuar këtë pikë të rendit të ditës, me arsyetimin se ekzekutivi nuk e ka anuluar projektin “Zyra e Arkitektit” të kërkuar nga opozita.
