Ky reagim i IHMK vjen pas reshjeve të mëdha të shiut dhe vërshimeve në disa pjesë të vendit, shkruan teve1.info.
“Situata e tillë e krijuar ka shkaktuar vështirësi dhe probleme, si në rrëshqitje të dheut, mbyllje të kanalizimeve dhe vështirësi të qarkullimit, por edhe përmbytje të tokave bujqësore. Situata e vështirësuar hidrometeorologjike, pritet që të vazhdoj dhe gjatë orëve dhe ditëve në vijim. Si pasojë e reshjeve të shiut të cilat janë duke vazhduar me intenzitet të lartë sidomos në disa pjesë të vendit, (pjesa perëndimore, veriperëndimore, veriore dhe qendrore e Kosovës), disa lumenjtë kanë dalur prej shtretërve të tyre dhe janë duke shkaktuar përmbytje”, thuhet në njoftimin e tyre.
Sipas IHMK, zonat më të prekura, janë ato në perëndim të vendit, sidomos disa vendbanime në komunat si: Pejë, Junik, Deçani, Klinë, Skenderaj, Mitrovicë, Zubin Potok, Leposaviç etj.
