Pjesë e këtij tubimi janë parë gratë nga komunitetit serb në Kosovë teksa po ecnin përgjatë këtij sheshi me disa nga parullat “Nënat e Kosovës kundër Getos së Kurtit” si dhe “Nuk kemi fëmijë për Kurtin”.
Tëvë1 po e përcjellë nga afër këtë tubim dhe sjellë pamje nga organizimi.
Kjo protestë po mbikqyret nga KFOR-i, Policia e Kosovës, Eulex dhe Karabinierër italianë.
Ndryshe, Lista Serbe ka paralajmëruar këtë tubim në pjesën veriore të Mitrovicës, në një fjalim të jashtëzakonshëm të kësaj partie, pas takimit që kanë pasur të martën në Beograd me presidentin e Serbisë, Aleksandar Vuçiq.
Në ambientet e Listës Serbe në Mitrovicë para gazetarëve u paraqitën kryetari dhe nënkryetari i Listës Serbe, ish-kryetarët e katër komunave në veri, si dhe kryetari i komunës së Zveçanit.
Ata dhanë dorëheqje pas vendimit të Prishtinës zyrtare për shkarkimin e shefit të policisë për rajonin e veriut, Nenad Gjuriq, i cili publikisht tha se nuk do të zbatojë vendimet për paralajmërime dhe gjoba ndaj atyre që nuk i riregjistrojnë veturat me targa ilegale në RKS.
