Policia e Kosovës, përmes raportit 24-orësh ka bërë të ditur se i dyshuari i ka mundësuar një qytetari identitet të rrejshëm.
Sipas PK-së, i dyshuari me vendim të prokurorit është dërguar në mbajtje.
“KK/Viti 19.09.2022 – 12:00. Nga njësiti për hetimin e krimeve ekonomike është arrestuar i dyshuari mashkull kosovar zyrtar i gjendjes civile në komunë, i cili duke keqpërdor pozitën zyrtare i ka mundësuar një qytetari identitet të rrejshëm si shtetas i Republikës së Kosovës (pala ishte shtetas i Serbisë, Preshevë). Me vendim të prokurorit i dyshuari është dërguar në mbajtje”, thuhet në raportin e Policisë. /teve1.info/
