Në një lidhje direkte në Tëvë1, Sadiku tha se ka informacione se Lista Serbe do të paraqitet në çastet e fundit për certifikim për pjesëmarrje në zgjehdjet e parakohshme lokale pas dorëheqjes se kryetarëve në Mitrovicën e Veriut, Zveçan, Leposaviq dhe Zubin Potok.
“Kam informacione se siç ndodhi edhe në nivelin qendror ku e patë se erdhën nga Lista Serbe dhe i plotësuan vendet në nivelin qendror, kjo do të ndodhë edhe në nivelin lokal. Dhashtë Zoti dhe lutem që të vijnë serbët sepse kjo është në interes të qytetarëve, është në interes të komuniteteve që jetojnë në veri. Do të vijnë në momentin e fundit ashtu sic kanë ardhë në nivelin qëndror për inate, për teke kundër Rada Trajkoviqit, kurse këtu nuk do ta lënë pushtetin”, shtoi ai.
Teksa sipas Sadikut, me zgjedhjet në veri të vendit është duke u testuar Republika, por në test më të madh sipas tij, është komuna e Mitrovicës.
“Nuk është një mesazh i mirë, nuk është mirë për këtë demokracinë e brishtë, në test është edhe Republika jonë e re, po në test edhe më të madh jemi komuna veriore e Mitrovicës e cila është komuna më e re e krijuar në Republikën e Kosovës. Do të vijnë jo vetëm … por ka indikacione edhe nga ish-ministri Jabllanoviç, se partia e tij do të garojnë dhe do të vijnë të garojnë edhe për kryetar komune edhe nga Lista Serbe dhe realisht ne duhet të ndihmojmë në këto momente dhe edhe komuniteti serb duhet të demokratizohet”, shtoi ai në emisionin “Këndi i Debatit”.
Këto komuna do t’i nënshtrohen procesit zgjedhor pasi kryetarët e këtyre komunave kanë dhënë dorëheqje pas vendimit të Listës Serbe nga institucionet e Kosovës si protestë ndaj vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në RKS (Republika e Kosovës). /teve1.info./
