Gjatë seancës së sotme në Kuvend, Peci njoftoi po ashtu se cilat institucione janë përfaqësues të këtij komisioni.
“Dëshiroj të ndaj si informacion që Qeveria me vendim të datës 30.09 2022, ka themeluar një Komision Qeveritar Qendror për vlerësimin e dëmeve të shkaktuara në të mirat materiale. Anëtarë të këtij komisioni janë përfaqësues të institucioneve, në këtë rast Ministria e Punëve të Brendshme, Zyra e Kryeministrit, Ministria e Financave, Punës dhe Transfereve, Ministria e Mjedisit e Planifikimit Hapësinor, Ministria e Bujqësisë, Pylltarisë, Zhvillimit Rural, Ministria e Administrimit të Pushtetit Lokal, Ministria e Ekonomisë dhe Ministria e Shëndetësisë”, deklaroi ai para deputetëve.
Më tej, njoftoi se specifikisht Ministria e Bujqësisë, Pylltarisë dhe Zhvillimit Rural, ka paraparë një kompensim për dëmet në sektorin e bujqësisë me vlerë monetare prej 3 milionë euro, raporton teve1.info.
“Në fazën të cilën jemi aktualisht, komiteti qendror i këtij mekanizmi është duke bërë vlerësimet, teksa ka marrë të dhënat nga tereni dhe nga Komuna”, shtoi tutje Peci./teve1.info/.
