“Në ditët e fundit, kërkesa për para është rritur. Për të përballuar kërkesën e shtuar, Banka e Rusisë rriti emetimin e parave të gatshme në banka dhe rimbushja e ATM-ve do të vazhdojë këtë fundjavë”, thuhet në një deklaratë të Bankës.
Në deklaratë shtohet se të gjitha fondet e klientëve në llogaritë bankare janë plotësisht të ruajtura dhe të disponueshme për çdo transaksion.
Pas vendimit të Kremlinit për të pushtuar Ukrainën, të enjten agjensia shtetërore ruse e lajmeve TASS ka raportuar se disa banka kishin parë rritje të tërheqjeve, sidomos të valutës së huaj.
Pasi tregjet filluan të reagojnë ndaj lajmeve për pushtimin, tregu i aksioneve ruse pësoi humbje të madhe.
Si pasojë monedha e vendit dhe rubla u zhvlerësuan ndjeshëm.
