Tahiri pas mbledhjes së kryesisë tha se kërkesa për tërheqjen e mjeteve nga Trusti ka qenë kërkesë e qytetarëve të cilët sipas tij kanë bërë presione të mëdha në një formë ose tjetër, pasi shtoi se ndodhen në gjendje të rëndë ekonomike.
“Ka qenë një debat i gjatë, jo si rezultat i kërkesës tonë por i presionit të shoqërisë. Atë ditë secili deputet e ka ndje m’i thënë disa fjalë sepse presionin e kemi pas të madh nga qytetarët në këtë kohë krize që janë duke e kaluar qytetarët, dhe duke mos e ndje fare dorën e shtetit”, deklaroi Tahiri.
Ai shtoi se do të njoftoj nëse do të vendosin për mosmbështetjen e iniciativave të Qeverisë.
“Ne në momentin kur do të marrim vendim që nuk do të votojmë iniciativa të kësaj qeverie do të ju njoftojmë …është e drejtë e secilit deputet të reflektoj për mosvotimin e kësaj iniciative sepse asnjë qyetar, as mjeku, as polici, as mësuesi nuk po arrin ta përfundoj muajin, andaj kjo ka qenë kërkesë e tyre që t’ua lehtësoj sadopak barrën që e kanë”, u shpreh ndër të tjera Tahiri.