Përmes një postimi në Facebook, Kurti ka shkruar se në kuadër të masës 1.6 të Pakos së Ringjalljes Ekonomik – Mbështetja e Personave me Aftësi të Kufizuara, janë punësuar 239 veta, prej të cilëve 119 burra dhe 120 gra.
“Proceduam në Kuvend propozimin për përfshirjen e Konventës Ndërkombëtare për të Drejtat e Personave me Aftësi të Kufizuara në Kushtetutën e Kosovës;
– Zyra e Kryeministrit ofroi gjithsej 4868 orë shërbime të interpretëve në gjuhën e shenjave për qytetaret që nuk dëgjojnë;
– Miratuam Strategjinë Kombëtare për Mbrojtje nga Dhuna në Familje dhe Dhunën ndaj Grave 2022-2026;
– Për shpërndarje të barabartë të burimeve dhe mundësi të barabarta, miratuam koncept dokumentin për Buxhetimin e Përgjegjshëm Gjinor;”, ka shkruar ndër të tjera Kurti.
Sipas tij, Qeveria po ashtu i ka mbështetur me 400 mijë Euro, 10 strehimore për viktimat e dhunës në familje.
“- Miratuam Strategjinë për Avancimin e të Drejtave të Komunitetit Rom dhe Ashkali 2022-2026;
– Themeluam Ekipin ndërinstitucional për nxitjen dhe promovimin e punësimit për komunitetet rom, ashkali dhe egjiptian në Republikën e Kosovës;
– Lansuam Platformën Kombëtare për Raportimin e Rasteve të Diskriminimit ndaj Komunitetit Rom, Ashkali dhe Egjiptian;
– Mbështetëm 123 projekte për biznese të vogla dhe start-up për komunitetet joshumicë,
– Ndamë 300,000 € për bursa për nxënësit e komuniteteve rom, ashkali dhe egjiptian, 300,000 € për qendrat mësimore te fëmijëve rom, ashkali dhe egjiptianë dhe 350,000€ për punë me fëmijë me talente dhe fëmijë me nevoja të veçanta;
– Ndamë 96 grante për organizata për projekte nga të cilat përfitojnë komunitetet jo shumicë”, ka shkruar Kurti.
