Tahir Kukaj nga organizata kryesore mediatike në New York “City & State” u listua si i 94-i në mesin e prijësve fetarë me ndikimin më të madh në këtë qytet.
“Është një përmbledhje e aktiviteteve gjatë gjithë vitit, këtu është një agjencion i Neë Yorkut, quhet City & State, në kategori të ndryshme i zgjedh personat me ndikim, është një përmbledhje e aktiviteteve brenda vitit”, tha imam Kukaj.
Por, kush është Tahir Kukaj, imami nga Tërsteniku i Drenasit që dy vjet më parë u bë imami i parë që mbajti fjalim në asamblenë e New Yorkut.
“Unë përfaqësoj qendrën islame kulturore shqiptare dhe shkollën shqiptare, quhet Miraji Islamic School, si speaker dhe panelist dhe si këshilltar i majorit (kryetarit) të qytetit të Neë Yorkut si dhe kapelan i Departamentit të New Yorkut”, ka thënë ai.
Kukaj thotë se kanë bashkëpunim të rregullt me kolegjet dhe universitet amerikane. Por, nuk e lënë anash as aspektin humanitar.
“Unë në Amerikë jam saktësisht që 21 vjet, qendra shqiptare islamo-kulturore është nga viti 1990, themelues janë dy shokë të mi…”, deklaroi ai.
Kukaj thotë se gjatë këtyre dy dekadave, është takuar me kongresmenë e senatorë të ndryshëm amerikanë.
“Bisedat që i kemi pas me zyrtarët amerikanë që e kanë vizituar Kosovën, janë pozitive, kanë përshtypje të mira sidomos për popullin kosovarë, janë të vetëdijshëm me peripecitë që po përballet lidershipi kosovarë”, shtoi Kukaj.
Tutje Kukaj për Tëvë1, ka thënë se kanë raporte të mira më prijësit shqiptar të feve të tjera në SHBA.
“Gjendja jonë është mirë, mund të them edhe shumë e mirë, si shqiptarë myslimanë po edhe si shqiptarë me vëllezërit tanë katolikë, me priftin katolik si dhe me priftin të kishës shqiptare ortodokse”, përfundoi Kukaj.
Tahir Kukaj më herët është zgjedhur edhe në mesin e 100 figurave me ndikimin më të madh në Staten Island të New Yorkut.
Kronikë e realizuar nga gazetari, Fidan Zejnullahu
