Pas takimit me kryeministrin e Kosovës, Albin Kurti, Lajçak theksoi se është shumë me rëndësi që situata është e qetë në Kosovë, raporton teve1.info
Ai deklaroi se është i lumtur që ka ardhur në Prishtinë dhe jo për t’u marrë me kriza.
Tutje Lajçak ka thënë se që nga qershori kanë qenë në krizë të vazhdueshme duke vendosur vazhdimisht afate.
Lajçaku ka thënë se duhet të investojnë kohën në diskutime teksa shtoi se kjo është arsyeja pse ka ardhur në Kosovë.
Sipas tij, duhet të rikthehen diskutimet për normalizim të marrëdhënieve dhe hapat e ardhshëm në proces.
“Ne duhet ta shfrytëzojmë këtë momentum dhe jemi duke punuar për takimet në nivel të lartë Nuk kemi kohë për të humbur. Gjithashtu kemi folur edhe për situatën në veri. Po ashtu edhe për çështjen e energjisë”, ka thënë ai./teve1.info
