I dërguari i BE-së për dialogun Kosovë-Serbi, Miroslav Lajçak, ka folur për marrëveshjen e arritur me zëvendëskryeministrin e Kosovës, Besnik Bislimi, për hapat e parë të dë-përshkallëzimin e situatës në veri.
Teksa ka bërë një përmbledhje të aktiviteteve gjatë javës, ai në Facebook ka thënë se i vjen mirë që dakorduan me Bislimin.
“Nga Dubrovniku udhëtova për në Bratislavë, ku mbajta diskutime të rëndësishme bilaterale me zëvendëskryeministrin e parë të Qeverisë së Kosovës dhe kryenegociatorin e Kosovës, Besnik Bislimi. Biseda jonë u përqendrua në shtensionimin e situatës në veri të Kosovës, në përputhje me deklaratën e datës 3 qershor, dhe punën në drejtim të zbatimit të të gjitha marrëveshjeve të Dialogut. Më vjen mirë që ramë dakord për hapat e parë drejt këtij qëllimi”, ka shkruar ai.
Lajçak ka shkruar edhe për takimin me kreun e PDK-së Memli Krasniqi.
Një hapat e parë të kësaj marrëveshje ishte edhe zvogëlimi i pranisë së Njësisë Speciale të Policisë së Kosovës brenda dhe rreth objekteve komunale në veri i cili edhe ka filluar të zbatohet.
Pikat e marrëveshjes që ka publikuar Bislimi janë:
• Qeveria e Kosovës publikisht e tregon gatishmёrinё e saj pёr tё kontribuar nё deeskalimin e situatёs dhe mosndёrmarrjen e veprimeve qё mund tё eskalojnё situatёn nё veriun e vendit. Kjo pёrfshin njё zvogёlim tё menjёhershёm për 25% tё prezencёs policore nё dhe rreth ndёrtesave komunale.
• Policia e Kosovёs bashkё me EULEX-in dhe KFOR-in, sipas nevojës do të vlerёsojnё gjendjen e sigurisё, nё veçanti pёr tё shikuar mundёsinё pёr zvogёlim tё mёtejmë tё prezencёs policore nё dhe rreth ndёrtesave komunale.
• Qeveria e Kosovёs pёrmes njё deklarate publike mbёshtet mbajtjen e zgjedhjeve tё parakohshme nё 4 komunat nё veri tё vendit dhe atё pas stinёs sё verёs. Kosova shpreh pёrkushtimin pёr sigurimin e bazёs sё nevojshme ligjore pёr tё mundёsuar organizimin e kёtyre zgjedhjeve.
• BE-ja do ftojё dy kryenegociatorёt nё Bruksel me synim finalizimin e planit tё sekuencimit pёr Marrёveshjen drejt Normalizimit, pas tё cilit do tё fillojё zbatimi i tё gjitha neneve tё marrёveshjes
