Lajçak thotë se vendimi për liberalizimin e vizave për Kosovën është në duar të shteteve anëtare të Bashkimit Evropian, raporton Teve1.info
“I keni përmbushur kriteret dhe kjo është një diçka që është dashur të ndodh. Po shfrytëzojë çdo mundësi kur flas me shtetet anëtare duke e theksuar këtë çështje. Plotësisht jam i vetëdijshëm se sa e rëndësishme është kjo, gjithashtu edhe për imazhin dhe kredibilitetin e Kosovës. E dini që në këtë kohë vendimi është në duar të shteteve anëtare”, tha ai, në një konferencë për medie në përfundim të vizitë së tij në Kosovë, raporton teve1.info
Sipas tij, presidenca Çeke këtë të premte në rendin e ditës do të ketë çështjen për liberalizimin e vizave për Kosovën.
Ai thotë se kurrë nuk ka qenë më në qendër të vëmendjes çështja për liberalizimin e vizave për kosovarët.
“Po çka mund të ju them se kurrë nuk ka qenë aq e besueshme aq e pritshme sa është tani dhe është në qendër të vëmendjes kjo. Javën e kaluar kur janë takuar udhëheqësit e BE-së kanë folur për liberalizimin e vizave për kosovarët si çështje kryesore e cila duhet më në fund të përfundohet me sukses dhe presidenca Çeke që fillon në këtë të premte do ta ketë në rendin e ditës së tyre”, tha Lajçak.
Po ashtu, ai theksoi se momentumi ekziston dhe shpreson se do të rezultojë me një vendim që të gjithë e kanë pritur.
“Po e përsëris se nuk kam të drejt se kur do të vij ky vendim, por siç e thash se mbështetja kurrë nuk ka qenë më e fuqishme dhe vëmendja kurrë nuk ka qenë më e madhe dhe momentumi ekziston dhe po shpresojë se do të rezultojë me një vendim të cilin të gjithë jemi duke e pritur”, deklaroi Lajçak. /teve1.info/
Lexo edhe
https://teve1.info/lajmet/3lajcak-po-punojme-per-nje-takim-mes-kurtit-e-vuciqit-para-pushimeve-verore/
