I dërguari i Bashkimit Evropian për dialogun Kosovë-Serbi, Miroslav Lajçak, ka dhënë detaje nga takimi që ka zhvilluar me presidentin e Serbisë, Aleksander Vuçiq.
Ai tha se në këtë takim që ishte në kuadër të përgatitjeve për takimin e kryenegociatorëve që do të mbahet gjatë javës në Bruksel, diskutuan për rrugën për të ecë përpara në dialog.
Pas vizitës sime në Kosovë, udhëtova edhe në Beograd për t’u përgatitur për takimin e kësaj jave mes kryenegociatorëve…Diskutova për rrugën para në dialog dhe nevojën e hapave të radhës për implementimin e Marrëveshjes, në rrugën për normalizim”, ka shkruar ai në X, përcjell teve1.info
Presidenti i Serbisë, Aleksandar Vuçiq, pas takimit ka kërkuar të formohet Asociacioni duke thënë se “Serbia është gjithmonë e gatshme për dialog dhe për të respektuar gjithçka që është nënshkruar dhe është rënë dakord”, në një takim që ka pasur me emisarin Miroslav Lajçak.
Emisari i BE-së, javën e kaluar ishte në Kosovë, ku zhvilloi takime me përfaqësues qeveritar të Kosovës dhe partive opozitare./teve1.info/
