Këtë të premte shkoi në lagjen e Boshnjakëve në veri të Mitrovicës.
Kryeminsitri në detyrë, Albin Kurti mori pjesë në vënien e gurthemelit të një shkolle fillore të gjuhës shqipe.
Kurti tha se në këtë lagje do të ketë edhe nje çerdhe për fëmijë.
“Po vendosim gurthemelin e shkollës së re fillore dhe të çerdhes për fëmijë. Do të jenë nëntë klasë të shkollës fillore dhe një klasë për çerdhe të fëmijëve, me ç’rast do të ketë edhe bibliotekë, sallë të arsimtarëve, kabinete e kështu me radhë në mënyrë që kushtet të jenë moderne për mësimdhënie sa më të mirë dhe po ashtu për mësimnxënie me standardet më të larta.Kostoja e gjithë mbarshme është rreth 4 milionë e 152 mijë euro, me ç’rast punimet do të kryhen për 18 muaj, pra për një vit e gjysmë që do të thotë se do t’ia premë shiritin kësaj shkolle në Lagjen e Boshnjakëve në pranverën e vitit 2027”, deklaroi Kurti.
Ndërkaq kryetari i Mitrovicës së veriut, Erden Atiq theksoi se kjo shkollë po ndërtohet pas shumë vitesh.
Detaje dha edhe ministrja në detyrë e Arsimit, Arbërie Nagavci.
Në fund, Kurti përshëndeti edhe punëtorët e kompanisë së kontraktuar për ndërtimin e kësaj shkolle.
