Sot, nis sezoni 2024/25 në La Liga të Spanjës, me dy ndeshje që do të zhvillohen në termine të ndryshme.
Përballja e parë që konfirmon sezonin e ri në futbollin spanjoll është ajo ndërmjet Athletic Bilbaos dhe Getafes.
Ky duel luhet në Bilbao dhe nis në orën 19:00, ndërsa të dyja skuadrat kërkojnë fitoren për ta nisur sezonin me këmbë të mbarë.
Bilbao vlerësohet favorit, duke pasur parasysh se luan në shtëpi dhe do ta ketë përkrahjen e madhe nga tribunat.
Ndërkohë, prej orës 21:00 luhet ndeshja ndërmjet Real Betisit dhe Gironas. Betisi është vendas por nuk do ta ketë aspak lehtë ndaj Gironas, ekip që befasoi sezonin e shkuar me rezultatet e mira.
Girona këtë sezon do të paraqitet edhe në Ligën e Kampionëve, pasi sezonin e shkuar përfundoi në pozitën e tretë pas Real Madridit e Barcelonës.
Xhiroja e parë e La Liga, do të vazhdoj edhe të premten dhe të shtunën me nga dy ndeshje, për të vazhduar të dielën dhe të hënën, po ashtu me nga dy ndeshje në program.
Të gjitha ndeshjet e këtij sezoni të La Ligas, mund ti përcillni në platformën Telkos.
