Real Sociedadi viziton rivalin Athletic Bilbao në derbin bask të La Ligas të shtunën, ndërsa vendësit do të mundohen që ta mbajnë vendin e katërt, të fundit që dërgon në Ligën e Kampionëve.
Në rast se përfundon në pozitën e katërt, Sociedadi do të kualifikohej në Ligën e Kampionëve për herë të parë që prej vitit 2013.
Vetëm dy herë ka luajtur në “Champions” kjo skuadër, në vitin 2003 dhe në vitin 2013.
Synon rikthimin në ngjarjen më të madhe për klube në Evropë pas një dekade.
Sociedadi në pozitën e katërt ka 51 pikë nga 28 ndeshje, katër pikë më shumë se Villarreali i vendit të pestë dhe gjashtë më shumë se Real Betisi që renditet i gjashti.
Athletic Bilbao është në vendin e shtatë me 11 pikë prapa rivalit të tij.
Barcelona e viziton Getafen të dielën, ndërsa Real Madridi i vendit të dytë luan kundër Cadizit të shtunën.
Getafe – Barcelona luhet nga ora 16:15, kurse Cadiz – Real Madrdit nis në orën 21:00.
